ما هو الفوركس ( 01 ) - البداية؟
اكيد سمعت او شفت كلمة فوركس او فوريكس دي كتير قبل كده و يمكن كمان حاولت تدور علي معناها او تفهم ايه علاقتها بيك. فوركس او فوريكس هي كلمة forex في اللغة الانجليزيه و هي اختصار لكلمة foreign exchange. و هي تعني صرف العملات الاجنبية.
يعني ببساطة اي اعلان تشوفه عن الفوركس هو اعلان عن شركه لتداول العملات المختلفة.
طيب و انا مالي انت طبعا بتقول الكلام دا لنفسك، اكيد تجارة زي دي محتاجة رأس مال كبير علشان الواحد يدخل فيها و يكسب منها كمان بس فعليا دا مش صحيح، ليه بقي لان شركات تجارة الفوركس هتديك فلوس علشان انت تتاجر بيها و تكسب منها.
قبل ما تسرح بخيالك و تبتدي تعد في الفلوس اللي انت كسبتها و الدولارات اللي نزله ترخ عليك لازم تفهم كل حاجة ليها علاقة بالفوركس علشان بدون فهم جيد للمجال دا مش هتقدر تحقق النجاح المطلوب و هو دا تحديدا الغرض من مجموعة المقالات دي "ما هو الفوركس" هناخد كل جوانب الفوركس من اول الاساسيات و المعاني و التعريفات لحد الادوات المطلوبة و اختيار الشركات و تعلم الاستراتيجيات الشهيرة للتداول و الاهم من كل ذلك هو تعلم كيفية الربح من الفوركس.
No comments:
Post a Comment